Les mots surlignés font l'objet d'une note
1Monseigneur, je ne vous pourrois escrire l’extrème
2deplaisir que je croys de tant souvent vous importuner
3de ceulx de Tullins qui se sont entièrement resolutz
4de ne rien païer, encore que l’aiés commandé. Je vous puis
5dire et asseurer qu’ilz me sont la seule occasion du départ
6de plusieurs de mes soldastz, d’aultants que n’avons
7moien de les entretenir en ce lieu car c’est la
8principale cotte qui m’a esté ordonnée. Il vous
9plaira doncques me faire responce et me commander comme
10j’ay à me conduyre en leur endroit, d’autant que
11je désire de vous obéir et ne ferey jamais chose
12qui pa[r] vous ne me soit commandé. je vous suplieray
13doncques de plus, Monseigneur, me faire tant
14de faveur que pour l’occasion d’eulx je ne perde
15une fort belle compagnye, laquelle en peu
16de temps je vous ay dressée. Ce beneffice
17me sera si grand que jamais ne le pourray recongnoistre
18si ce n’est par ung humble desir que j’ay de
19vous faire à jamais service. Vous me commanderez
20voz vollontés et serez obéy de tout mon cueur, duquel
21je vous presente mes très humbles recommandations
22[v°]
23à votre bonne grâce, priant Dieu
24Monseigneur, qui vous doint en bonne sancté très longue
25et hereuse vie. De ce lieu d’Albert, ce 2e juilhet
261572.
27Votre très humble et obéissant
28serviteur pour vous obéir à jamais
29[capitain]e Portes
30